2011-03-05 14:00:54

Maškare u 2.f

Kernovalu je odzvonilo. Bliži mu se zadnja ura. Gori je prošlega godišća, gorit će i ovega.

Mi, učenici 2 .f razreda područnog razrednog odjela u Lumbardi paričavamo se poć mu za sprovod.  Za tu nam se rabotu vaja dobro parićat. Vaja nam se dobro zamaskirat da nas ne bi nedajbože dogodišća pripozna .

Kupili smo balune u butigu ali su bili slabe kvalitade pa su nam pucali i letili po skuli. Ipak smo hi uspili oblipit novinom namoćenom u štirku. Lipo su nam se osušili i svrdli. S guštom smo hi piturali. (Pogledajte!)

Kad te ogrizine stavimo na se i kad se omaškaramo odnit ćemo optužnice Kernovalu. Neće ga ni svi advokati svita moć obranit.

Mi smo ga već osudili: Kriv je i neka gori ! 


Osnovna škola Petra Kanavelića Korčula